Pentsatzeko leku bat. Arte-eskolak eta -praktika esperimentalak Euskal Herrian, 1957-1979 erakusketaren irekiera dela eta, Rocío Roble Tardío, Mikel Onandia eta Sergio Rubira komisarioek elkarrizketa bat izango dute horren inguruan eta egindako ikerketa-prozesuaren inguruan.

Urtarrilaren 21ean, ostirala, 18:00etan
Museoaren Emanaldi aretoa
Sarrera doan. Toki mugatua. Erreserbak: 945 20 90 20

Pentsatzeko leku bat Jorge Oteizak Euskal Herriko jendearen hazkunde soziopolitiko, kultural eta intelektuala ahalbidetuko duten topaguneak sortzeko egindako deia da erakusketaren gaia. Erakusketak hezitzeko asmoa duten proiektu batzuk berreskuratu eta bildu ditu, taldekoak zein bakarkakoak, 1957tik 1979ra bitartean garatuak, Oteizak aipatutako premiaren argudio bera dutenak.

Pentsatzeko leku bat erakusketa 

Publicado en Jarduerak

Bederatzi saio, irakasle espezializatuek eta artearen historialariek gidatuak, eta Museoaren bildumara eta biltegietara bisita, haien arduradunekin.

Aurkezpena eta gonbidatu eta publikoarekiko solasaldiak, Ane Lekuoa Artearen Historialariaren eskutik.

Irakasleak: Garazi Ansa, Haizea Barcenilla, Xabier Gantzarain, Beatriz Herráez, Catalina Lozano, Ismael Manterola, Enrique Martínez Goikoetxea, Elena Roseras eta Idoia Zabaleta.
Koordinazioa: Ane Lekuona

2022ko urtarrilaren 26tik apirilaren 13ra. Asteazkenero, 18:00etatik 20:00etara
Prezioa:

  • Artium Museoaren Adiskideak: doan
  • Arte Ederretako eta Artearen Historiako fakultateetako ikasleak: doan
  • Homologatutako ikasketetako ikasleak: 25 €
  • Gainerakoak: 60 €

Izen-ematea irekita dago. Argibideak eta erreserbak: 945209020 telefonoan, museoaren ordutegian.

Ikastaroaren liburuxka jaitsi 

«Arte garaikidea ez da niretzat». Hitz horien oihartzuna aditzen dut nire inguruan, esaera bat balira bezala, klitxea, mantra. Eta zera proposatzen dut nik: artetik eta artearekin pentsatzea, eztabaidarako, eraldaketarako eta bilaketarako. Artetik eta artearekin pentsatzea elkarri laguntzeko, entzuteko eta ezagutzeko.

Irudiak mintzo ikastaroaren bidez, arte garaikidearen historiara, hizkuntzara eta haren inguruko eztabaidetara hurbilduko gara. Museoaren bilduma eta aldi baterako erakusketak ardatz harturik, hamar saio antolatu dira, espezialistek gidatuak; saioz saio, ibilbide historiko bat osatuz joango gara horrela, eta hirurogeita hamarreko hamarkadatik gaur egunera bitarte artearen eta irudien inguruan sortu diren proposamen eta ikuspegietako batzuk ezagutuko ditugu.

Ikastaroaren ardatz nagusiak hauek izango dira: artearen, gizarte-mugimenduen eta politika instituzionalaren arteko lotura; egiteko, adierazteko eta historiatzeko moduen kritika feminista; erakusketen eta idazketaren agentzia diskurtsiboa eta begirada dekolonialetatik egindako kritika. Ikastaroa topaleku gisa baliatuta, artearen eta irudien berrirakurketa egingo dugu, galdera eta ikuspegi berriak abiapuntu hartuta. Gure memoria berraztertuko dugu, bestelako ahots batzuk entzuteko eta geure burua haietan ezagutzeko.

Ane Lekuona

Ikastaroaren aurkezpena eta helburuak. Ane Lekuona / Beatriz Herráez

Urtarrilak 26

Lehen saioan, ikastaroaren helburuez jardungo dugu: arte garaikidea ulertzeko funtsezko planteamenduak aurkeztea, museoaren bildumatik eta aldi baterako erakusketetatik abiatuta. Pentsatuko dugu zer aukera eskaintzen dizkigun arte garaikideak historia naturalizatuak kolokan jartzeko, ikasitako begiradak identifikatzeko eta ikusezin bihurtutako errealitateen aldean kokatzeko.

Ane Lekuona Artearen Historiako Departamentuko irakaslea da, eta doktore-tesia amaitzen ari da. Lan horretan, 1950-1972 bitarteko Euskal Herriko artearen historia berraztertzen ari da, ikuspegi feministatik. Haren ikerketa-ildoak ikuspegi feministarekin, genero-ikerketarekin eta diskurtso narratiboen eta hegemonia politiko-kulturalaren arteko gurutzadurekin lotuta daude. Artikuluak idatzi ditu arte garaikideari buruzko aldizkari zientifiko eta argitalpenetan, eta askotariko erakusketa-proiektuetan parte hartu du, hala nola Ez dakit zer pasatzen den azken aldi honetan proiektuan (Komisario Berriak, Museo Artium), Iñigo Gómez eta Itziar Gutierrezekin batera.

Beatriz Herráez Artium Arte Garaikidearen Euskal Zentro Museoaren zuzendaria da 2018az geroztik. Artearen historialaria da ikasketaz, eta hainbat talde-erakusketaren nahiz erakusketa monografikoren komisarioa izan da, esate baterako, Moyra Davey, Katina Bock, Gema Intxausti eta Itziar Okarizi eskainitakoena, Artium, MARCO, MUSAC, Azkuna Zentroa, CICC Tabakalera, Centro de Arte Dos de Mayo, Sculpture Center eta Museo Nacional Centro de Arte Reina Sofía guneetan. Aurrez, Montehermoso Kulturuneko komisarioburua izan zen, arte, pentsamendu eta kultura garaikidean sexuen arteko berdintasun-politikak ezartzen aitzindari izan zen proiektu baten aitzindari. Euskadiko Museoen Aholkularitzako kide eta Etxepare Institutuko Kide Ez-berezkoa da.

Hirurogeita hamarreko hamarkada: artea, gatzakaren erdigunean. Ismael Manterola

Otsailak 9

Saio honetan, aztergai izango dugu frankismo berantiarreko eta demokraziaren hastapeneko Euskal Herriko testuinguru soziokultural eta politikoa, baita arteak eta hainbat artistak garai hartan bete zuten eginkizuna ere. Saiatuko gara ulertzen nola bihurtu zen berrogeita hamarreko hamarkadan sorturiko hizkuntza plastiko bat aro politiko berriko euskal imajinario kolektiboaren parte. Era berean, aztertuko dugu zer lotura duen fenomeno horrek euskal artearen historia idazteko moduarekin.

Ismael Manterola Euskal Herriko Unibertsitateko doktorea eta unibertsitate horretako Artearen Historia eta Musika Departamentuko irakaslea da. Artikuluak eta liburuak argitaratu ditu Euskal Herriko XX. mendearen hasierako arteari buruz, hala nola Hermes y los pintores vascos de su tiempo (2006), Maite ditut maite. Transmisioa XX. mendeko Euskal Herriko artean (2017) eta “Franquismo y censura en las artes plásticas: un arte sin censura en el horizonte” (2020). Zenbait erakusketaren komisario ere izan da, Trama e Hilos sueltos: diálogo entre dos colecciones de arte vasco (Arabako Arte Ederren Museoa) erakusketarena esaterako, eta arteari eta kulturari buruz idazten du Berria egunkarian.

Geure burua beste historia batzuetan ezagutzea: euskal artearen historiako genealogia feministak. Garazi Ansa

Otsailak 16

Saio honetan, kritika feministak artearen historiari dagokionez hirurogeita hamarreko hamarkadatik izan duen helburuetako batean sakonduko dugu: genealogia ahantziak berreraikitzea, artearen bestelako historia batzuk imajinatzeko bitarteko gisa. Hain zuzen ere, arreta emango diegu hirurogeita hamarreko hamarkadaren erdialdetik Euskal Herrian jarduera artistikoek mugimendu feministaren zabalkundearekin izan zuten loturari. Era berean, arlo politikoaren eta artistikoaren artean kokatzen diren proposamen hauei -kartelgintzari, esaterako- erreparatzeak lurraldearen memoria artistikoa zer parametrotan oinarritzen den birpentsatzera garamatza.

Garazi Ansa Euskal Herriko Unibertsitateko doktorea eta unibertsitate horretako Artearen Historia eta Musika Departamentuko irakaslea da. Haren ikergai nagusia da erakusketa-diskurtsoen azterketa eta berrazterketa historiografikoa, genero-ikuspegitik. Zenbait erakusketaren komisarioa izan da; azken lanen artean, aipatzekoak ditu honako hauek: Hemen dira hutsunean igeri egindakoak. Tururu (Azkuna Zentroa, Artium), Festa Pagana (Universidad Miguel Hernández, Elx) eta Baginen Bagara (San Telmo Museoa, Donostia), azken biak Haizea Barcenillarekin batera komisariatuak. Halaber, artearen kritika idazten du Berria egunkarian.

Formaren eta ideaiaren artean. Xabier Gantzarain

Otsailak 23

Lehenik eta behin, arte kontzeptualaren joerak aldarrikatzen dituen planteamendu teorikoak aztertuko ditugu. Horrela, ikasitakoa euskal testuinguruko zenbait artistaren lanarekin lotuko dugu, kontuan hartuta modu asko daudela forma eta ideia uztartzeko. Zer gertatzen da artelana formatik askatzen denean, esperientzia estetiko batetik espero denetik askatzen denean? Arteari buruzko idazketa erlazio hori pentsatzeko espazio bat da?

Xabier Gantzarain Euskal Herriko Unibertsitateko Arte Ederretako lizentziaduna da, eta Arte Garaikideko master bat egin zuen Unibertsitate Autonomoan. Euskara-irakasle, tabernari, zutabegile, azal-egile, telebistarako gidoigile, irratiko kolaboratzaile eta hainbat hedabidetako arte-kritikari gisa lan egin du. Kalostra arte-eskolaren koordinatzailea izan zen, eta, gaur egun, Dinamoa sorkuntza-esparrua koordinatzeko ardura du. Bestalde, hainbat argitalpen plazaratu ditu, hala nola Lisboa min (2002), Van Gogh, bihotzean eguzkia (2002), Epelde. Mende baten soinua (2004) eta Zuloa (2018).

Sartzea. Idoia Zabaleta

Martxoak 2

Saioa gorputzean sartzeko moduak pentsatzeari eta praktikatzeari buruzkoa izango da. Hondartzan aurrera goaz eta urrutira fardel bat ikusi dugu ur ertzean. Hurbildu eta fardela beste fardel batzuez osatuta dago. Hondar bustiaren kolorekoak dira. Ondoan belaunikatu eta arnasa hartzen ari dela ohartzen gara. Arnasa hartzen diogu, puztu eta hustu egiten delako. Eskuak azaleraren azpitik sartuko ditugu, eta masa magalean hartuko dugu. Haren bolumena gure bularraren parean. Hankak egokituko ditugu pisua jasotzeko, eskuarekin buruari eutsiko diogu, arnasa sentituko dugu klabikulan. Elkar kulunkatuko dugu. Marea gora doa eta ur eta hondar fardela gorputzaren gainean barreiatzen da.

Idoia Zabaleta koreografo, biologo, kudeatzaile, irakasle eta dantza-zuzendaria da. Dantza Berria eta Inprobisazioa ikasi ditu, eta interprete eta sortzaile gisa aritu da Moare Danza bere taldearen buru. Ikasketaz herrien dinamikan eta ekosistemetan espezializatutako biologoa izateak eragin nabarmena du haren lanean, interes berezia baitu eszenan parte hartzen duten agenteen arteko tentsioekiko eta elkarreraginekiko. 2008az geroztik, AZALA sorkuntza-espazioa koordinatzen du Juan Gonzálezekin.

Dokumentazio prozesua, artean. Elena Roseras

Martxoak 9

Iturri dokumentalak aukeratzeko, prozesatzeko, babesteko eta hedatzeko prozesu dokumentala funtsezkoa da artelanak dagokien testuinguru sozial eta estetikoan kokatzeko, eta orobat da komisariotza-lanaren oinarrizko elementua. Saio honetan, gaur egungo arte garaikideko museoetako dokumentazio-zentroen egitekoetan, funtzionamenduan eta erronketan sakonduko dugu. Azterketa hori egiteko, Artium Museoaren dokumentazio-proiektua hartuko dugu oinarri.

Elena Roseras Geografia eta Historiako lizentziaduna da, baita Dokumentaziokoa ere, eta bi master egin ditu: Bibliotekonomia eta Informazioaren eta Ezagutzaren Gizartea. Hainbat erakundetan lan egina da, hala nola Sancho el Sabio fundazioan eta Eusko Jaurlaritzako Kultura Ondarearen Zuzendaritzako Liburu eta Liburutegi Zerbitzuan. Gaur egun, Artium Museoaren Liburutegi eta Dokumentazio Prozesuaren ardura du. Artikulu espezializatuak idatzi ditu, eta berrikuntzaren kudeaketarekin eta informazio- eta dokumentazio-zerbitzuekin loturiko argitalpenen koordinatzailea izan da.

 

Historiak eta bilduma. Enrique Martínez Goikoetxea

Martxoak 16

Artium Museoaren bildumak nortasun propioa eta izaera berezia ditu, eta gure testuinguruko beste museo batzuekiko osagarria da. 2002ko apirilaren 26an ireki zituen ateak museoak, eta, harrezkero, erakusketa-programa oparoa garatu du, baita kultur ekitaldien agenda betea ere, kultura garaikideari, hezkuntzari eta gaur egungo artearen zabalkundeari loturik. Saio honen gaia Artium museoaren historia, haren jatorria eta sarbide-politikak izango dira, eta euskal arte garaikideko bilduma osoenaren eta Espainiako gaur egungo arte-bilduma adierazgarrienetakoaren parte diren obra ikur batzuk nabarmenduko ditugu, bilduma horri esker bihurtu baita Artium ikusmira artistiko nazionalaren altxor nagusienetakoa.

Enrique Martínez Goikoetxea Artium Museoko Bildumaren Kontserbatzailea da, eta museo horretan osatu du bere ibilbide profesionala. Arte Ederretako lizentzia eta Arte Garaikideko Kontserbazioko masterra eskuratu zituen, eta Guggenheim Bilbao Museoaren Museistika Arloan lan egin zuen Artium Museoan hasi aurretik. Beste eginkizun batzuez gainera, Aldi Baterako Erakusketen komisarioa izan da 2005 eta 2009 bitartean, eta, gerora, Bildumaren arduraduna. Erakusketen kontzeptualizazioan eta komisariotzan nahiz zentroaren argitalpenetan parte hartu du.

 

Erakusketan ikusiko dugu elkar. Haizea Barcenilla

Martxoak 23

Saio honetan, erakusketek eta museoek artearekin dugun erlazio motan duten eraginari buruz jardungo dugu. Aro garaikidetik aurrera, erakusketa-aretoan gertatzen dira artearen eta publikoaren arteko elkartze gehienak. Espazio horiek naturalizatuta daude kulturari buruzko gure ikuskeran, eta, hala, neutrotzat ditugu; baina esanahiz beteriko tokiak dira, izan, eta narratiba oso zehatzak eraikitzen dituzte. Hala, ikusiko dugu nola eraiki diren erakusketa-metodoen bidez askotariko diskurtsoak, baita horiek zenbaterainoko indarra duten ere kontaketa normatiboak sortzeko nahiz iraultzeko.

Haizea Barcenilla Euskal Herriko Unibertsitateko doktorea da, eta unibertsitate horretako Artearen Historiako eta Musikako Departamentuko irakaslea. Museologia, komisariotza, arte garaikidea eta genero-ikuspegia ditu ikerketa-ildo nagusiak. Erakusketen komisarioa ere bada; azkenaldiko lanen artean hauek ditu bereziki nabarmentzekoak: Festa Pagana (Universidad Miguel Hernández, Elx) eta Baginen Bagara (San Telmo Museoa, Donostia), Garazi Ansarekin batera komisariatuak. Artikulu zientifikoak ez ezik, arteari eta kulturari buruz idazten du Berria egunkarian, eta Euskadi Irratiko Amarauna saioaren kolaboratzailea da.

 

Tentsio kolonialak eta azaleratzen ari diren subjektibitateak. Catalina Lozano

Apirilak 6

Saio honetan, Latinoamerikako boterearen izaera kolonialaren eta lurralde hartan hainbat artista-belaunaldik herentzia kolonialari aurre egiteko hartutako bideen oinarriak aztertuko ditugu, baina baita kontinentearen historia kontatzean sortzen diren tentsioak ere. Ondoren, arreta jarriko diogu Mariana Castillo Deballen lanari, haren lan-metodologiei eta berak “objektu deseroso” deritzenarekin lan egiteko ikerketa-interesei.

Catalina Lozano komisario eta ikertzaile independentea da. Haren ikerketa-ildo nagusiak kontaketa txikiak eta kontaketa historiko gailenen berrazterketa dira. Narratiba kolonialak eta naturaren eta kulturaren arteko bereizketa modernoaren dekonstrukzioa izan dira haren komisariotza- eta argitalpen-proiektu askoren abiapuntu, honako hauena, esaterako: A Natural History of Ruins (Pivô, São Paulo), El sauce ve la imagen de la garza de cabeza (TEA, Tenerife), Ganar perdiendo (CentroCentro, Madril) eta Mariana Castillo Deball artistaren Amarantus (MUAC, Mexiko Hiria; Artium, Vitoria-Gasteiz). Berlingo 8. Biurtekoko talde artistikoaren parte izan zen (2014). Orobat izan da Gasworks (Londres) egonaldi-programaren arduraduna, eta arte garaikideko katalogoetarako eta aldizkarietarako idazten du.

Artium Museoa Bildumaren bisita

Apirilak 13

Ikastaroa amaitzeko, bisita egingo diogu Museoko bildumari. Ibilbide horretan, askotariko loturak egin ahal izango ditugu museoaren funtsetako artelanen eta astez aste landutako ideia, ikuspegi eta gogoetekin. Bisitariarentzat oro har ikusgai egoten ez den espazio honetan kokatzeak arte garaikideko museoak gaur egungo gizartean betetzen duen tokia birpentsatzera eramango gaitu.

Artium Museoa Bilduma ondare-funts publiko aparta da, ia 2.400 artelanez osatua. Funts horien corpusak hogeigarren mendeko lanak eta egileak biltzen ditu, berrogeita hamarreko hamarkadatik gaur egunera arte egindako ekoizpenak batez ere. Bilduma
honen berezitasunak definitzen du museoaren eginkizuna, funtsezko ekipamendua baita azken hamarkadetan Euskal Herrian garatutako praktika artistikoetara hurbiltzeko. Erakundearen eginkizun programatikoa da ikusgarritasun egokia ematea eta haren ondare-balioa gizarteratzea.

Publicado en Jarduerak

do mess with me (Testuinguruak bilduma batetik abiatuta) erakusketa dela eta ospatuko da elkarrizketa hau

Abenduaren 10ean, ostirala, 18:00etan
Museoaren Emanaldi aretoan. Sarrera doa
Toki mugatua. Izen-emateak: 945 20 90 20

do mess with me erakusketak, Testuinguruak bilduma batetik abiatuta programaren barruan, Lorea Alfaro artistaren bi bideo aurkezten ditu, <3 S P S <3 BLOOD eta <3 S P S <3 INK, museoaren bildumarako berriki erosiak. Erakusketan Alfaroren lanen sorta bat ere bildu da, horien artean Paski eta Paretara, paper margotuarekin egindako piezak, eta Tú re-post bideoa. <3 S P S <3 (2016-2017) seriea, bi bideoak barne hartzen dituena, erretratu modu garaikide bat da, kasu honetan trap espainiarraren eszenako abeslari ezagun baten erretratua.

Lorea Alfaroren eta Rafa Castells argazkilariaren arteko elkarrizketa biltzen duen argitalpena plazaratu du museoak.

do mess with me erakusketa 

Publicado en Jarduerak

Amarantus erakusketaren irekiera dela eta, Mariana Castillo Deball artistaren eta Catalina Lozano komisarioaren arteko elkarrizketa ospatuko da.

Azaroaren 5ean, ostirala, 18:00etan
Toki mugatua. Izena ematea: 945209020

Museoa egun honetan 11:00etatik 20:00etara irekita egongo da. Sarrera doan

Erakusketa 

Publicado en Jarduerak

Jardunaldiak GizaArtea ikerketa-taldeak, EHUko Artearen eta Musikaren Historia Sailak eta Artium Museoak antolatu dituzte.

Hainbat alorretan jorratutako 27 ikerketa-proiektu aurkeztuko dira, besteak beste artearen praktikan, kontserbazioan, historian, hezkuntzan edo museologian.

Maite Mendez Beiges katedradun eta ikerlariak emango du jardunaldien hasierako hitzaldia

Euskal Herriko Arte Garaikidearen Museo Artium Museoak, Euskal Herriko Unibertsitateko GizaArtea ikerketa-taldeak eta unibertsitate horretako Artearen eta Musikaren Historia Sailak antolatu dute arte garaikidearen inguruko titulazio amaierako lanak aurkezteko Ikasgeletatik espazio publikora izeneko jardunaldien bigarren edizioa. Jardunaldiak Museoko Emanaldi aretoan izango dira, urriaren 20an eta 21ean, eta Euskal Herriko goi-mailako irakaskuntzan azken ikasturteetan arte garaikidearen inguruan egindako lanen sorta bat ezagutarazteko xedez. Irekiera hitzaldia eta aurreikusitako zazpi saioak streaming bidez jarraitu ahal izango dira Artium Museoaren Youtubeko kanalean.

Ikasgeletatik espazio publikora jardunaldietan, hainbat espezialitatetako ikasleren ikerketa-proiektuak abiarazteko interesak zein izan diren galderari erantzun nahi zaio, arte ederretatik artearen historiara, filosofiara, hezkuntzara, musikara edo ikus-entzunezko komunikaziora, besteak beste, eta, aldi berean, unibertsitatearen, museoaren eta gizartearen arteko loturak jarri nahi dira agerian. Aldi berean, jardunaldiek sorkuntza artistiko garaikidearen inguruko hainbat diziplina eta jakintza-arlotako graduatuen arteko topagune bat izan nahi dute.

GizaArtea ikerketa taldeko, Artearen Historia Fakultateko eta Artium Museoko kideek osatutako batzorde zientifiko batek hautatu ditu 27 lanak, joan den udaberrian irekitako deialdian aurkeztu zirenen artean. Aurkezpenak 7 mahaitan banatu dira, gaikako kidetasunen araber. Mahai horiek goizeko eta arratsaldeko saioetan egingo dira. Hizlari bakoitzak 20 minutu izango ditu bere lanaren emaitza ezagutzera emateko. Mahai bakoitzak moderatzaile bat izango du. Jardunaldietan publiko gisa parte hartzeko 945209020 telefonoan eman daiteke izena.

Jardunaldi hauetan aurkeztuko diren titulazio amaierako lanen artean sorkuntza garaikidearen inguruko proposamenak daude, praktikaren eta esku-hartze artistikoaren, artearen historiaren, museologiaren, hezkuntzaren, kontserbazioaren eta generoaren ikuspegitik, besteak beste.

Maite Mendez Beiges Malagako Unibertsitateko Artearen Historiako katedradunak emango du irekiera-hitzaldia, eta bertan aztertuko du nola aldatu diren Avignongo andereñoak koadroaren irakurketa kritikoak mendean zehar, artearen historiaren teoriak eta perspektibak bata bestearen atzetik zetozen heinean. Maite Méndez Artearen historia eta teoria genero-ikuspegitik aztertzen espezializatutako ikertzaile nabarmena da. Jardunaldien egitarauan, gainera, parte-hartzaileek bisita gidatua egingo dute museoko bildumaren erakusketara, Zeru bat, hamaika bide erakusketara.

Programa osoa  Jaitsi liburuxka  Prentsa oharra (pdf)

Ikasgeletatik espazio publikora

Arte garaikidearen inguruan egindako titulazio amaierako lanak aurkezteko bigarren jardunaldiak
Urriaren 20an eta 21ean, asteazkena
Artium Museoaren Emanaldi aretoan
Antolatzaileak: Artearen Historia eta Musika Saila UPV/EHU, GizaArtea Ikerketa Taldea UPV/EHU, Artium Museoa

Publicado en Prentsa bulegoa

Arte garaikidearen inguruan egindako titulazio amaierako lanen bilduma bat.
Artium Museoa, 2021eko urriaren 20a eta 21a
Antolatzaileak: Artium Museoa-Euskal Herriko Arte Garaikidearen Museoa, Gizaartea Ikerketa-Taldea (EHU), Artearen Historia eta Musika Saila (EHU)

Zeintzuk dira arte-espezializazioetan dabiltzan ikasleek ikertzen dituzten gaiak? Zein esparruk erakartzen ditu? Jardunaldi hauen helburua Euskal Herriko goi irakaskuntzan arte garaikidearen inguruan gauzatzen diren lanak ezagutaraztea da, era horretan Unibertsitatearen, Museoaren eta gizartearen arteko loturak gauzatuz.

Toki mugatua. Izen ematea: actividades1@artium.eus eta 945209020

Urriaren 20a, asteazkena

9:30-10:00 
Izena ematea

10:00-10:20
Aurkezpena

  • Enrique Martínez Goikoetxea, Artium Museoa Bildumaren kontserbatzailea .
  • Concha Elorza, GizaArtea ikerketa taldeko ikertzaile Nagusia
  • Javier Muñoz, UPV-EHUko Artearen Historia eta Musika Sailaren.

10:30-11:30
Irekiera hitzaldia: Maite Mendez Baiges, Malagako Unibertsitateko Artearen Historiako katedraduna.

11:30-12:00 Etenaldia

12:00-13:00
1. mahaia. Moderatzailea: Enrique Martínez Goikoetxea, Artium Museoa Bildumaren kontserbatzailea.

  • Teresa Artíñano Gómez. Proceso, espera, ataque. GRAL (ES)
  • Inés Pando Herguedas. Escuchar de cero. GRAL (ES)
  • Yohnattan Mignot Barrero. Estrato: ensayo para la oscuridad. MAL (ES)

13:00-14:15
2. mahaia. Moderatzailea: Andere Larrinaga, UPV-EHUko Artearen Historia eta Musika Saileko irakaslea.

  • Maider Azurmendi Arozena. Ama Il Lur. GRAL (EU)
  • Maddi Muñoz Esteban. Ondare inmateriala gizarteratzeko, musealizatzeko eta erakusketarazteko erak. GRAL (EU)
  • Celia Sáez Pérez. Performance artistikoaren kontserbazioa. GRAL (EU)
  • Oihane Biain Matxiñena. Emakume dadaistak eta gizartearen normatibitatearekin apurtzea. GRAL (EU)

14:15-16:00 Etenaldia

16:00-17:15
3. mahaia.  Moderatzailea: Ane Lekuona, UPV-EHUko Artearen Historia eta Musika Saileko irakaslea.

  • Mirari García Méndez. De la locura a la creación artística. GRAL (ES)
  • Cristina Pérez Sainz. Historias ilustradas. GRAL (ES)
  • Moriah de Zen. Los caminos in-visibles de la conciencia. MAL (ES)
  • Marta Ubierna Ruiz. ¡Tic! ¡Tac! La fragilidad de la memoria. MAL (ES)

17:15-18:30
4. mahaia. Moderatzailea: Haizea Barcenilla, UPV-EHUko Artearen Historia eta Musika Saileko irakaslea.

  • Maialen Larrucea Selas.  Entre las manos. MAL (ES)
  • Irati Murua Ruiz. Paga. MAL-TFM (ES)
  • Neus Sabaté Barrieras. De la asamblea a la pantalla. MAL (ES)
  • Uxue Castrillo Gómez. Proyecto de remodelación de una identidad del parque Doctor Areilza. MAL (ES)


Urriaren 21a, osteguna

10:00-11:15
5. mahaia. Moderatzailea: Garazi Ansa, UPV-EHUko Artearen Historia eta Musika Saileko irakaslea.

  • María Sancho Zorraquino. Evaluación del estado de conservación de las obras de Santos Iñurrieta de la década de los setenta. MAL (ES)
  • Jon Múgica Apellaniz. Horizontes de virtualización y tecnologías AR y VR en el panorama museográfico y museológico. GRAL (ES)
  • Cristina Benito Julián. Revisión de criterios de intervención en arte contemporáneo a través de tres obras de Miquel Barceló. GRAL (ES)
  • Laura Álvarez Sandi. El arte en la escuela. MAL (ES)

11:15-11:45 Etenaldia

11:45-13:00
6. mahaia. Moderatzailea: Miren Vadillo, UPV-EHUko Artearen Historia eta Musika Saileko irakaslea.

  • Rocio Agudo. Stay focused. MAL (ES)
  • María García Gastiasoro. Mujer y neuropsicología. GRAL (ES)
  • Noemí Morcillo Rodríguez. Cena en familia. GRAL (ES)
  • Leire Gajate Arenas. Estudio exploratorio del espécimen de las tipografías contemporáneas. MAL (ES)

13:00-14:00 Zeru bat hamaika bide erakusketaren bisita

14:00-15:30 Etenaldia

15:30-16:45
7. mahaia. Moderatzailea: Haizea Barcenilla, UPV-EHUko Artearen Historia eta Musika Saileko irakaslea.

  • Edorta Mutiloa Llaguno. Queering Bilbao. MAL (ES)
  • Mila Dolz. El jardín secreto. MAL (ES)
  • Maider Alday Parra. Oinez. EAL (EU)
  • Alazne Lastra Crespo (DJ Akane). Baila o muere. MAL (ES)

16:45-17:15 Jardunaldien itxiera

Publicado en Jarduerak

Maddi Barber eta Marina Lameiro zuzendarien Paraíso pelikularen estreinaldia eta erakusketaren irekiera dela eta, Artium Museoaren Emanaldi aretoak proiekzioa hartuko du zuzendarien hitzaldi batekin batera, proiektu honen jatorria eta garapena azaltzeko.

Paraíso pelikularen proiekzioa eta solasaldia Maddi Barberekin eta Marina Lameirorekin
Uztailaren 2ean, 18:00etan
Emanaldi aretoa. Toki mugatua
Izen-ematea: 945 20 90 20

Paraíso. Maddi Barber, Marina Lameiro. Z aretoa 

Publicado en Jarduerak

Antonio Ballester Moreno artistaren Norberak eraikitzea. Pieza solteak. Jolasa eta esperientzia erakusketa dela eta, artistak hitzaldi bat emango du, proiektuaren jatorria eta garapena azaltzeko.

Antonio Ballester Morenorekin solasaldia
Ekainaren 25ean, 18:00etan
Emanaldi aretoa. Toki mugatua
Izen-ematea: 945 20 90 20

Erakusketa aretoa zabalik egongo da 11:00etatik 20:00etara, etengabe

Norberak eraikitzea. Pieza solteak. Jolasa eta esperientzia

Publicado en Jarduerak

Paperetik hitzera hileroko programaren baitan, askotariko liburu eta argitalpen-proiektuak aurkeztuko dituzte hainbat artista, idazle, diseinatzaile, historialari, kritikari eta komisariok. 

Publicado en Jarduerak
1. orrialdea (guztira 33)

This site uses cookies and similar technologies.

If you not change browser settings, you agree to it. Learn more

I understand