Euskal Herriko Arte Garaikidearen Museoak, Artium Museoak, Irati Gorostidiren eta Mirari Echávarriren San Simón 62 filma aurkeztuko du 2023ko ekainaren 18ra arte, Z aretoa programaren barruan. Bertan, museoak zinemagintzaren eta erakusketen mugak aztertzen dituzten proiektuak aurkeztuko ditu. 2022an egindako film honetan, Gorostidi eta Echávarri Nafarroako Lizasoko komentura hurbildu dira, 80ko hamarkadan Arco Iris komunitatea egon zen komentura, talde haren kide izan ziren amen oroitzapenek erakarrita. Erakusketaren harira, Artium Museoak Z aretoa saileko argitalpen berri bat plazaratu du Sara Torresen testu batekin. Gainera, erakusketaren irekiera dela-eta, museoak bi zuzendarien eta zikloaren komisario Catalina Lozanoren arteko elkarrizketa bat antolatu du martxoaren 25ean, larunbata, 12: 00etan, Emanaldi aretoan, filmaren proiekzioaren aurretik.

80ko hamarkadan, Lizasoko (Nafarroa) komentu bat Arco Iris komunitate xelebrearen egoitza izan zen. Eraikineko horma gatzgabeak lore-motibo izugarriz apaindu ziren, eta bertako aretoetan topaketa jendetsuak egin ziren, non New Age kutsuko praktika katartikoekin esperimentatzen baitzen. Gaur egun, klausurako monjeak bizi dira eraikinean, eta gertaera haren arrastoak ia hautemanezinak dira.

Irati Gorostidik (Valle de Egües, 1988) eta Mirari Echávarrik (Iruña, 1988) beren amen testigantzek erakarrita hurbildu dira bertara, frankismoaren ondorioak alde batera utzi eta garai berri honetako erronka pertsonal eta politikoei aurre egin nahian, Arco Iris komunitatetik igaro baitziren.

Sara Torres dioen bezala, «San Simón 62-n, proiektuaren hasierako fasean Gorostidiren arreta erakarri zuen komunitatearenganako hurbilketa artxibo intimo baten bidez gertatu zen, haien familiek gordetzen zuten dokumentazioaren bidez. (…) Film laburraren hasierak bere familiaren (Mirari Echávarriren familiaren) etxeko artxiboa hartzen du abiapuntu, haurtzaroari helduaroan eskuratutako jakintza feministekin begiratzeko, eta berriro kontatzen du garai hartako irudiak eta erritual kolektiboak berriz aztertuz.

Zuzendariak

Irati Gorostidi eta Mirari Echávarri bizilagun izan ziren bizitzako lehen urteetan. Hiriz aldatzeak banandu zituen, harik eta handik denbora batera Bilbon Arte Ederrak ikasten berriz elkartu ziren arte. Harrezkero elkarlanean aritu dira.

Azkenaldian, Mirari Echávarrik zenbait proiektu erakutsi ditu Tabakaleran, Artium Museoan, Nafarroako Museoan eta Okela Sormen Lantegian, eta haren ikus-entzunezko lehen pieza, Cuerpos # 1 Santa Águeda, Londres eta Dublingo zinema feministako jaialdietan, Porto/Post/Doc nazioarteko zinema jaialdian, Cinespañan (Toulouse) eta Oberhausengo Film Laburren Nazioarteko Jaialdian proiektatu dute, besteak beste.

Bere aldetik, Irati Gorostidi gaur egun, lehen film luzea lantzen ari da, Anekume; lan hori Ikusmira Berriak 2022 programarako hautatu zuten, eta zenbait mentoring eta merkatu-programatan parte hartu du. Bestalde, ekoizpen-fasean da Gorostidiren Contadores film laburra, Eusko Jaurlaritzak, ICAAk eta Nafarroako Gobernuak babestua. Haren aurreko filmak nazioartean proiektatu dira, zinema-jaialdietan eta museoetan.

Z aretoa

Z aretoa programa (Z zinemaren ordez dagoela), lurralde zinematografikoan murgiltzen diren artisten eta erakusketa-formatua aztertzen duten zinemagileen lanak hausnartzeko eta ikusarazteko bitarteko espazio bat sortu duen proiektua da. Mugimenduan dagoen irudia eta hark museoaren barruan duen espazioa ikuspegi garaikide batetik pentsatzearen garrantzia aitortzeko interesetik sortutako programa da. Hizkuntza zinematografikoa historikoki kategorizatzen duten generoak birpentsatzeko modu narratibo berriak bilatu nahi dituzten autoreak hurbildu nahi dituen programa.

Orain arte Patricia Esquivias (Caracas, 1979), Rosalind Nashashibi (Londres, 1973), Eric Baudelaire (Salt Lake City, 1973), Aura Satz (Bartzelona, 1974), Ainara Elgoibar (Mungia, 1975), Ephraim Asili (Roslyn, 1979) eta Edurne Rubio (Burgos, 1974) aritu dira zikloan. 2023an hasitako ziklo berri honetan parte hartuko dute Irati Gorostidik (Eguesibar, 1988), Mirari Echávarrik (Iruñea, 1988), Laida Lertxundik (Bilbo, 1981) eta Naomi Rincón Gallardok (Raleigh, 1979). Era batera eta bestera hurbilduz, haien proiektuek afektibitatearen eta politikoaren arteko harremana aztertzen dute.

Artium Museoan ikusgai
Alejandro Cesarco. Beste adibide berri batzuk. 2023ko irailaren 24ra arte
Jutta Koether. Black Place. 2023ko apirilaren 16ra arte
Rafael Lafuente. Konposaketak | Composiciones. 2023ko maiatzaren 14ra arte
Irati Gorostidi-Mirari Echávarri. San Simón 62. Z aretoa. 2023 ekainaren 18ra arte

Aurki
Bilduma Hau Colección. Oinarrizko mugimenduak (1950-2000). Euskal Herriko Arte Garaikidearen Museoa Bilduma. Irekiera: 2023ko martxoaren 31n
Sahatsa Jauregi. Flux Cored (Testuinguruak bilduma batetik abiadura). Irekiera: 2023ko martxoaren 31n