Azteazkena, 2021(e)ko Martxoaren 31a 14:10

Artium Museoak Gerardo Armestoren 'Ikuspuntu geldiezina' erakusketa aurkeztu du

Euskarri analogikotik sorkuntza digitalerako igaroaldian animazio-irudiaren erabileran eredugarriak diren ikus-entzunezko 8 pieza daude ikusgai erakusketan

Artiumek, Euskal Herriko Arte Garaikidearen Museoak Gerardo Armesto. Ikuspuntu geldiezina erakusketa aurkeztu du (A01 aretoan, 2021eko ekainaren 20ra arte). Armestok 80ko hamarkadan egindako zortzi bideo-lanetan oinarritzen da erakusketa. Lan horiek erreferentziazkoak dira animazioaren esparruan, analogikoaren eta digitalaren arteko igarobidean. Erakusketa testuinguruan kokatzen duten marrazki, maketa eta eskulturekin osatu da, eta azterketa-kasu gisa, Bildumaren Zeru bat, hamaika bide erakusketaren parte da. Museoak argitalpen bat plazaratu du, gainera, Francisco Ruiz de Infanteren testu batekin.

Gerardo Armestok (Vitoria-Gasteiz, 1949) 1981 eta 1990 urteen artean bideoz egindako lanak aurkezten ditu erakusketa honetan. Pieza horiekin batera —duela gutxi sorta garrantzitsu bat sartu da museoaren funtsetan—, marrazki-koaderno batzuek, maketek eta objektu eskultorikoek koherentziaz lotzen dituzte artistaren ekoizpena eta haren pertzepzioari buruzko garapen teorikoak eta analisiak. Erakusketa Bildumaren Zeru bat, hamaika bide. Praktika artistikoak Euskal Herrian 1977-2002 artean izeneko proiektuko beste azterketa-kasu bat da.

Armesto Escalerasombra MCLaurogeiko hamarkadan eta laurogeita hamarreko hamarkadaren hasieran, Armestoren lana ikus-entzunezko prozesuen azterketan oinarritu zen. Pertzepzioaren analisia eta kokapenaren, kolorearen, argien eta bolumenen arteko harremana espazioan, irakaskuntzari aplikatua, izan ziren eragileak bere lanean mugimenduan dagoen irudiarekiko interesa pizteko. Francisco Ruiz de Infantek, hamarkada hartan lantegiko lankide izan zuenak, dioen bezala: «Aitzindari izateak hutsegiteen eta denbora errealean izandako esperientziaren jolasa ahalbidetzen du. Koloreak, itzalak eta argiak bolumenak sortzen al dituzte? Bai! Kuboa ere adierazpenerako euskarria al da? Eta aurpegia? Jakina! Simulakroak azalera adierazkorrak dira beti argiari esker».

Erakusketak euskarri analogikotik sorkuntza digitalerako igaroaldian animazio-irudia erabiltzen funtsezkoak diren ikus-entzunezko 8 pieza, erreferentziazko lanak, aztertzen ditu. Horietan, berrikuntza teknikoarekin batera, ikuspuntuak, proiekzio geometrikoak eta euskarriak hartzen dute protagonismoa, eta haien izaera zehatz eta definituak eraikuntza finkatu eta irreal bat erakusten digute, aldi berean, mugimenduan dagoen ikuspuntu geldiezinak errealitatearen irudi desitxuratua, konplexua, itzultzen digula.

Pinturan egindako lehen lanen ondoren, irakaskuntzan erabilitako formaren, kolorearen eta argiaren pertzepzioa aztertzea izan zen Madrilgo Bideo Jaialdi Nazionalean saritutako 1981eko euskarriaren hautaketa bezalako lanen eztanda-eragilea, eta baita ondoren analogikoki eta esperimentazio digitalaren bidez garatutako animazioena ere. Orain ikusgai dagoen mugimendudun irudizko Disfraces para un cubo II izeneko lehen lan horietako batek Espainian sortzen hasi berria zen bideoaren erreferentziazko La imagen sublime erakusketan parte hartuko zuen, 1987an MNCARSen antolatua.
 
Prentsa oharra (pdf)  Erakusketa  Lan zerrenda  Irudi-eskaera   

Lotutako jarduera
Gerardo Armestoren eta Daniel Castillejoren arteko elkarrizketa
Martxoaren 31n, asteazkena, 18:30ean. Emanaldi aretoa. Toki mugatua
 
Gerardo Armesto. Ikuspuntu geldiezina
A01 aretoan, 2021eko martxoaren 31tik ekainaren 20ra
Argitalpena. Testuaren egilea: Francisco Ruiz de Infante
Irudia: Concierto para una escalera. Gerardo Armesto 1985 (bideoaren fotograma)

This site uses cookies and similar technologies.

If you not change browser settings, you agree to it. Learn more

I understand