Mini Artium

Igande goizetan, txikienek eta haien laguntzaileek museoko erakusketetan arte garaikidea deskubritzeko eta lantegian era askotako teknika eta materialekin esperimentatzeko aukera dute.

3-5 urte bitarteko haurrentzat, heldu bat lagun dutela
Sarrera: helduak 5 € eta haurrak 2 €
Artium Museoaren Adiskideak: helduak 2,5 € eta haurrak € 1
Ordutegia: 11:30etik 12:45era
Argibideak eta erreserbak: 945 20 90 20

Irailaren 3an, igandea
Artea eta natura. Gaurko lantegian, naturaren ehunduretan eta koloreetan inspiratutako artelanak ikusiko ditugu, eta, gero, museoko lorategian bildutako materialekin, konposizio suntsikor bat sortuko dugu.
Andrea Ríosekin.

Irailaren 10ean, igandea
Monotipoak. Lantegi honetan estanpazioaren teknika landuko dugu forma eta testura desberdinekin esperimentatuz, eta gure monotipoetan aukera amaigabeak aztertuko ditugu.
Esti Agirrerekin.

Irailaren 17an, igandea
Zenbaki lehenak 1. Esther Ferrerren Números primos lana oinarri harturik, espazioan mugitzeko jolasak eta moduak asmatuko ditugu, taula handian dauden zenbaki-konbinazioen ereduari jarraituz.
Natalia Albénizekin.

Irailaren 24an, igandea
Etorkizuneko NIa. Igande honetan, Alejandro Cesarco artistaren lan batzuk ezagutuko ditugu, eta, ondoren, lantegian, marrazkiaren, proiekzioaren eta bideoaren bidez, gure etorkizuna nola irudikatzen dugun hausnartuko dugu.
Esti Agirrerekin.

--

Good Morning, Artium!

Igande goizean, haurrak eta haien laguntzaile helduak arte garaikideari hurbil dakizkioke eta, aldi berean, ingelesa praktikatu. Museoko erakusketen bisita egiteaz gainera, haurrek askotariko metodo eta gaiekin esperimentatzeko aukera izango dute lantegian. Arropa egokia ekartzea gomendatzen da.

6-12 urte bitarteko haurrentzat. Ingelesez, heldu bat lagun dutela
Sarrera: helduak 5 € eta haurrak 2 €
Artium Museoaren Adiskideak: helduak 2,5 € eta haurrak € 1
Ordutegia: Igandero, 11:30etik 13:30era
Argibideak eta erreserbak: 945 209 020

Irailaren 3an, gandea
A new artwork for our garden. Museoaren inguruko plazan eskultura ugari ditugu. Haien forma eta materialei begiratu eta pieza berri bat sortuko dugu, gero plazaren maketa matean kokatuko duguna.
Javi Pradorekin.

Irailaren 10ean, igandea
What is the title? Batzuetan, lan baten izenburua ezagutzeak lan hori zer asmorekin sortu zen ulertzen laguntzen digu. Beste batzuetan, gure begiratzeko modua aldatzen du, edo nahastu ere egin gaitzake. Zein da artearen eta hizkuntzaren arteko lotura? Lantegi honetan izenburuak aztertzen eta asmatzen saiatuko gara, hitzen mundua irudien munduarekin lotzeko.
Noelia Toférekin

Irailaren 17an, igandea
What is a performance? Gaurko saioan, arte performatiboa zer den jakingo dugu, eta adibide batzuk ikusiko ditugu museoko bildumako artista batzuen lanen bidez. Ondoren, lantegian, geure performancea egingo dugu, gure gorputza protagonista dela.
Noelia Toférekin.

Irailaren 24an, igandea
Emoticolours. Collagearen, pinturaren eta beste teknika askoren bidez, gure sentimenduak deskribatzen saiatuko gara.
Javi Pradorekin