Zinema eta zientzia. Filmategiaren zikloak

Hasiera: Osteguna, 2022(e)ko Urtarrilaren 13a

Amaiera: Osteguna, 2022(e)ko Martxoaren 24a

Jakintzaren bila

Jakintzaren bilaketan, zientzia ezinbestekoa izan da eta da gure gizartearen aurrerapenerako: hobeak, luzeagoak eta ez hain mingarriak bilakatu ditu gure bizitzak, nahiz ez dizkigun beti ziurtasun berehalakoak eta erabatekoak ematen, Jocelyn Bell astrofisikariak ohartarazi zigun bezala. Pandemiako azken ia bi urteotan gutxi batzuk izan dira mesfidatu direnak, baina txertoen aurkikuntza berebizikoak eta goiztiarrak, eta hartarako nahitaez behar izan den nazioarteko elkarlanak, frogatu du, hain zuzen ere, zenbateraino duen gaur egun gizadiak zientziaren premia.

Aurtengo uzta gure borondatez da berriz ere eklektikoa: El premio (Mark Robson, 1963) proiek-
tatuko dugu, sariek zientziaren munduan zenbateraino diren suspergarriak gogoetatzeko. Moby Dick (John Huston, 1956) eta Gorilas en la niebla (Michael Apted, 1988) filmekin animalien munduaren ezagutzan murgilduko gara, eta, era berean, En busca del fuego (J. J. Annaud, 1981) filmarekin historiaurrera bidaiatuko dugu gizakiak hobeto ezagutzeko. Hope (Maria Sødahl, 2019), berriz, nazioarteko sari garrantzitsuak irabazitako filma da, eta minbiziaren aurkako mundura hurbilduko gaitu. Espazioaren ikerketa etengabe ageri da gure zikloan, eta edizio honek gai honi buruzko bi film aurkeztuko ditu: Ikarie XB 1 (Jindrich Polák, 1963), txekiar klasiko bat, zientzia-fikziozko beste film nagusi batzuen aitzindaria; eta Contact (Robert Zemeckis, 1997), Jodie Foster handia buru duela. Neurozientziak debaterako ariketa zinematografiko bikaina aurkituko du Origen (Christopher Nolan, 2010) filmean. Deabruaren hazia (Donald Cammell, 1977) pelikularen zantzuak sumatzen dira oraintsuko Titane (Julie Ducournau, 2021) filmean, eta hirurogeita hamarreko hamarkadan adimen artifizialaren arriskuez alerta jotzen zuen zinema baten adibide gisa ere balioko du. Traje zuriko gizona (Alexander Mackendrick, 1951) klasiko bikain bat da, eta agerian jartzen du materialen fisika eta kimikako ikerketa, haren emaitzak jasotzen dituen gizartearen aurrean.

Saio guztiak Emanaldi aretoan ostegunero19:00etan.
Urtarrilaren 13tik martxoaren 24ra
Prezioa: sarrera orokorra, 3,5 €. Artium Museoaren Adiskideak, 2 €. 25 urtez azpikoak: sarrera doan (museoaren txartel-leihatilan)
Sarrerak non erosi: museoaren txartel-leihatilan eta online.

Antolatzaileak: Euskadiko Filmategiak, Donostia International Physics Center-ek (DIPC) eta Donostiako Nazioarteko Zinemaldiak
Egoitzak: Artium Museoa, Tabakalera, Bilboko Arte Ederren Museoa, Iruñako Golem Baiona, Donibane Lohitzuneko Cinéma Le Sélect

Zikloaren liburuxka  Erosi sarrerak 

Urtarrilaren 13an

El premio (The prize). Mark Robson, 1963, 136 min. Ingelesez, gaztelaniazko azpitituluekin
Aurkezpena: Pedro Miguel Etxenike. Fisikaria. UPV/EHU-Donostia International Physics Center
Stockholmen da ekitaldia, eta bertan hainbat saridun biltzen dira Nobel sariak jasotzeko. Hasieran, Paul Newman eleberrigile ikonoklastan oinarritzen da filma, baina denboraldi batez bigarren maila batera pasako da, Edward G. Robinsonek antzeztutako fisikan aditua bahitu eta bere anaia biki maltzurrak ordezkatzen duenean.

Urtarrilaren 20an

Saio berezia: Kimuak 2021
Azaletik azalera
, Mel Arranz, 7 min; Berak baleki, Aitor Gametxo, 17 min; Heltzear, Mikel Gurrea, 18 min; Resonancias, Iñigo Aranburu, 4 min; Trumoiak, Iker Maguregi, 12 min; Ur azpian lore, Aitor Oñederra, 14 min; Zerua blu, Lur Olaizola, 14 min.
Aurkezpena: Esther Cabero

Urtarrilaren 27an

Moby Dick. John Huston, 1956, 116 min. Ingelesez, euskarazko azpitituluekin
Aurkezpena: Juan Ignacio Pérez Iglesias. Biologoa. UPV/EHU-Donostia International Physics Center
Ahab kapitainak kitatu gabeko zor bat du Moby Dickekin, hanka kendu zion balea zuriarekin, alegia. Pequod itsasontziaren buru, bidaia traidore batean abiatuko da piztia iheskorra ehizatzeko. Zuhurtziarik gabeko utzikeriaz, bere bilaketa obsesibo eta suizidan zehar eramango du Ahabek eskifaia, balea zuri gogoangarriari azkenean aurre egiteko irrika biziz.

Otsailaren 3an

Hope (HÅP). Maria Sødahl, 2019, 126 min. Norvegieraz, gaztelaniazko azpitituluekin
Aurkezpena: Ana Zubiaga. Biologoa. UPV/EHU
Zer gertatzen da maitasunarekin hiru hilabeteko bizialdia geratzen zaizunean? Familia ugari eta mistoa duen bikote bat banandu egin da. Emazteari garuneko minbizi terminal bat diagnostikatuko zaionean lur jota geratuko da eta aintzat hartu gabeko maitasun bat utziko du agerian.

Otsailaren 10ean

Gorilas en la niebla (Gorillas in The Mist). Michael Apted, 1988, 129 min. Ingelesez, gaztelaniazko azpitituluekin
Aurkezpena: Joana Vitorica Onaindia. Biologoa. World Rural Forum.
Dian Fosseyren historia kontatzen du filmak, mendiko gorilak aztertzera Afrikara bidaiatu eta bere azken urteak haiek babesten eman zituen zientzialariarena, alegia. Dian Fosseyren benetako historian oinarrituta dago galzorian dauden tximino haien suntsipena geldiarazteko haren borroka erretratatzen duen film hau.

Otsailaren 17an

Deabruren hazia (Demon Seed). Donald Cammell, 1977, 95 min. Ingelesez, euskarazko azpitituluekin
Aurkezpena: Olatz Arbelaitz Gallego. Informatikaria. UPV/EHU
Susan Harris Alan bere senarrarekin bizi da. Alanek Proteus IV asmatuko duenean, pentsamendu aurreratu bat garatzeko gai den adimen artifizialeko sistema bat, hain zuzen, kolokan jarriko du Susanekiko bere harremana. Baina Susanek asmakizun horren benetako boterea egiaztatuko du, Proteus IV.ak bera beraren etxean bahituko duenean eta haurdun utzi nahiko duenean giza itxura hartu ahal izateko.

Otsailaren 24an

Traje zuriko gizona (The Man in The White Suit). Alexander Mackendrick, 1951, 84 min. Ingelesez, euskarazko azpitituluekin
Aurkezpena: Xabi López, Jon Mattin Matxain. Kimikaria. UPV/EHU-Donostia International Physics Center
Sidney Stratton kimikaria bidegurutze batean dago bere karreran. Erresistentzia handiko zuntz bat asmatzen ahalegindu da, baina lanetik bota dute ahalegin horretarako behar zituen tresna gehiegi eskatu dituelako. Azkenean, Sidneyk ehun zuri bat sortuko du, iragazgaitza, zikindu eta zimurtu ezina. Hasieran heroitzat tratatuko badute ere, fabrikatzaileak berehala konturatuko dira ezen traje perfektua oso-oso txarra dela, berez, negozioentzat.

Martxoaren 3an

Ikarie XB 1. Jindrich Polák, 1963, 88 min. Txekieraz, gaztelaniazko azpitituluekin
Aurkezpena: Fernando Cossío. Kimikaria. UPV/EHU-Ikerbasque
2163. urtea. Ikaria XB 1 izarretako ontzia espazioaren sakonean barneratu da bizitza estralurtarraren bila. Bidaia arriskutsu horretan zehar, eskifaiak hainbat arriskuri egin beharko dio aurre: izar ilun gaizto bati, XX. mendearen ondare suntsitzaileari eta, azken batean, beren zuhurtasunaren beraren mugei.

Martxoaren 10ean

Origen (Inception). Christopher Nolan, 2010, 148 min. Ingelesez, gaztelaniazko azpitituluekin
Aurkezpena: Aitzol García Etxarri. Fisikaria. Ikerbasque-Donostia International Physics Center
Dom Cobb lapur bat da, lortu baitu pertsonen ametsetan sar-tzea eta haien subkontzienteko sekretuak lapurtzea. Trebetasun horri esker, oso pertsona baliotsua bihurtu da espioitza korporatiboaren munduan, baina maite duen guztia galdu du, ordainetan. Egindako okerrak konpontzeko aukera sortuko zaio, ordea, ustez ezinezkoa den zeregin bat eskainiko zaionean: norbaiten adimenean ideia bat landatzea. Lortzen badu, krimen perfektua izango da, baina etsai arriskutsu batek Cobben mugimendu bakoitza aurreratzen du.

Martxoaren 17an

Contact. Robert Zemeckis, 1997, 150 min. Ingelesez, gaztelaniazko azpitituluekin
Aurkezpena: Silvia Bonoli. Fisikaria. Ikerbasque-Donostia International Physics Center
Ellie Arroway doktorea jatorria izar sistema urrun batean duen mezu posible bat interpretatzen saiatzen ari da. Adimen estralurtar batekiko lehen kontaktu hori baieztatu ondoren, Arrowayk Kitz izeneko segurtasun nazionaleko aholkulari zurrunari aurre egin beharko dio eta, baita ere, fanatiko erlijioso pila bati, gertaera horrek ekarriko dituen ondorioei kontra egiten tematuta daudenez. Seinaleak mezu sinestezin bat du gordea, baina bera ote da dei horri erantzungo diona?

Jueves 24 de marzo

En busca del fuego (La guerre du feu). Jean-Jacques Annaud, 1981, 105 min. Elkarrizketarik gabe
Aurkezpena: María José Iriarte. Arkeologoa. UPV/EHU-Ikerbasque
Cromagnon tribu bat beti piztuta dagoen su-iturri baten mendean bizi da, harik eta egun batean sua itzali egiten den arte. Sua berriz pizten ez dakitenez, tribuak su gehiagoren bila bidaliko ditu hiru gerrari. Tribuaren etorkizuna arriskuan dagoenez, gerrariek bidean aurrera egingo dute tribu etsaiez eta piztia ikaragarriz jositako paisaia traidore batean zehar. Bidean, Ikarekin topo egingo dute: emakume horrek dauka haiek bila dabiltzan jakinduria.

This site uses cookies and similar technologies.

If you not change browser settings, you agree to it. Learn more

I understand