Museoa, eskola-gisa

Artium Museoko Hezkuntza Sailaren helburua da museoaren programen hedadura handitzea, bereziki aberasteko maila guztietako eskola-curriculumak eta adin desberdinetako bisitarien esperientziak.

Hain zuzen ere, eskola gisa ulertzen dugu museoa, aintzat harturik artearen pedagogiak zer-nolako indarra duen pentsamenduaren, sentiberatasunaren eta gizartearen arloetan harreman adierazgarriak sortzeko gure ahalmenak sendotzeko.

Hala, Artium Museoaren hezkuntza-programek bidea ematen dute gure lurraldean mundua bizitzeko dauden moduen aniztasuna ezagutzeko eta ospatzeko eta horiei tokia egiteko, betiere tresna kritikoak bultzatuz arte garaikidearen bidez.

Artium Museoko Hezkuntza Sailaren jarduera guztiak berariaz pentsatuta daude museoko orotariko publikoei artearen esperientzia eskaintzeko eta bermatzeko. Eta, sentikorrak baikara munduan gertatzen diren aldaketei buruz, etengabeko bilakaeran daude programa guztiak, gizartearen premia berrietara egokitzeko.