Artium Museoaren eskola-programek elkarrizketarako gune bat sortu nahi dute eragile guztientzat: ikasleentzat, irakasleentzat eta museoko hezitzaileentzat. Ikuspegi horretatik, eskola-curriculumeko edukiak, museokoak eta gure esperientziak jorratzen ditugu artearen bidez, talde bakoitzaren beharrei egokitutako prozesu batean.

Artea eta eskola-curriculuma uztartzen ditugu. Zuekin hitz egiten dugu, gaia zuen beharrizanekin eta zuen egunerokotasunarekin are gehiago lotzeko. Programa guztiak desberdinak dira eta aldatu egiten dira taldearen eta erakusketaren arabera.

Eskola-programetarako izen-emateak irailaren 2an hasten dira. Jarduera bat erreserbatzeko bete izena emateko fitxa. Eskaera jaso ondoren, mezu elektroniko bat bidaliko dizuegu zuen erreserba onartu izanaren baieztapenarekin. Jarduera aukeratutako egunean eta orduan egin ezin bada, harremanetan jarriko gara zuekin telefonoz edo posta elektronikoz.

Programa horiei buruzko informazio gehiago nahi baduzu, deitu 945 20 90 11 telefonora, 09:00etatik 14:00ak arte, edo idatzi helbide honetara: educacion@artium.eus.