Euskal Herriko Arte Garaikidearen Museoaren Z aretoa programako San Simón 62 erakusketaren inaugurazioa dela eta, filmaren proiekzioa eta Irati Gorostidi eta Mirari Echávarri filmeko zuzendarien eta Catalina Lozano Artium Museoko Komisario buruaren arteko solasaldia antolatu dugu.

 

Martxoaren 25ean, 12:00etan
Irati Gorostidi, Mirari Echávarri eta Catalina Lozanoren arteko solasaldia
Emanaldi aretoa. Sarrera doan, toki mugatua.
erreserbak 945 20 90 20 telefonoan edo artium.eus-en

Publicado en Jarduerak

Hau erakusle bat da, eta hurbiltasuna adierazten du. Erakusleak hitz egiten duenaren eta hizpide den gaiaren arteko distantzia adierazteko baliatzen dira. Hala, kokatzen laguntzen dute, posizio bat zehazten baitute. Baina hau hitzak baditu beste adiera batzuk beste testuinguru batzuetan. Marcel Mauss frantses antropologoak Essai sur le don (1925) saiakeran aditzera eman zuenez, maorien artean, emandako objektuei atxikitzen zaien balio espirituala da hau. Museoaren definizioa, historikoki, haren bildumatik dator, guztiona den eta jakintza sortzen eta komunitatea imajinatzen laguntzen duen funts baten izaera publikotik.

Adiera bikoitz horrek atariko modura dihardu museoaren bildumaren funtsen berrantolaketan, berrogeita hamarreko hamarkadan hasi, Mari Paz Jiménez, Jorge Oteiza, eta Néstor Basterretxea Latinoamerikatik itzultzean, eta gaur egunera arteko tartea harturik, Hal Foster teorialariak “erreala denaren itzulera” deitu zuena ikertuz. Abiapuntu ditu oinarrizko mugimendu batzuk zeinak aktibatzen baitute beti eraikuntzan dagoen narratiba bat. Aurkezpen honek ehundik gora artelan, dokumentu eta artxiboko material biltzen ditu, XX. mendearen bigarren erdian artistek eraikitzen lagundu zuten testuinguruak eta artistek lanean jardun zuten testuinguruak ikertzeko bidea ematen dutenak.

Argitalpena

Publicado en Erakusketak

Euskal Herriko Arte Garaikideko Museoak Rafael Lafuente artista gasteiztarraren lan zabalari eskaintzen dion Konposaketak / Composiciones erakusketaren inaugurazioa dela eta, Gorka Lafuente, Gorka Basterretxea eta Artium Museoa Bildumako kontserbadore burua Enrique Martinezen arteko elkarrizketa izango dugu museoko auditorioan.

 

Urtarrilaren 20an, 18:00etan
Gorka Lafuente, Gorka Basterretxea eta Enrique Marínezen arteko solasaldia
Emanaldi aretoa. Sarrera doan, toki mugatua.
erreserbak 945 20 90 20 telefonoan edo artium.eus-en

Publicado en Jarduerak

Alejandro Cesarcoren (Montevideo, Uruguai, 1975) lanei eskainitako erakusketa honek zenbait euskarritan egindako obrak biltzen ditu –argazkiak, bideoak eta testuetan oinarritutako piezak–. Obra horiek ikaskuntzaren esperientziari eta eraikuntzari buruzko gogoeta proposatzen dute, baita memoriari, pertzepzioari eta hizkuntzari lotutako prozesuei buruzkoa ere.

Horien artean dago Index (An Educator), izenburu bereko lan sorta baten parte dena; sail hori 2000. urtean lantzen hasi zen Cesarco, eta irudizko liburuen aurkibideek osatua da. Artistak azaldu bezala, aurkibide horiek sortuak dira “idazketa-molde gisa baina dira, aldi berean, irakurgaien artxibo”, eta egileak sailkapen, erregistro eta taxonomiekiko duen interesetik nahiz memoriaren eraikuntza- eta kontserbazio-prozesuekiko interesetik eratorriak dira. Beste adibide berri batzuk erakusketan, artistak arreta ematen die pedagogiaren eta alfabetatzearen erabilerari eta funtzioei loturiko auzietan, baia ama-hizkuntzaren, elebitasunaren «tartean egote» horrek sortzen duen ekosistema konplexuaren arteko erlazioetan ere.

Erakusketari atxikitako espazio gisa eta harekin bat eginik, Alejandro Cesarcok espazio bat eskaintzen du editore gisa duen jardunarekin loturiko testuen eta egileen kontsultarako. Beste argitalpen batzuez gainera, espazio horretan liburu sorta bat dago Art Resources Transfer (A.R.T.) irabazi-asmorik gabeko organizazio independenteak plazaratua; elkarte horrek dokumentazioarekiko konpromiso argia du, eta haren xedeetako bat da kultura-kontsumoaren zirkuituan maiz aintzat hartzen ez diren publikoei helaraztea artisten lana. 

Euskal Herriko Arte Garaikidearen Museoak, Artium Museoak, eta  Maumaus/Lumiar Cité (Lisboa) erakundeak lankidetzan ekoitzitako erakusketa.

logo ceaarco

Lan zerrenda Argitalpena

Publicado en Erakusketak

Urtarrileko, otsaileko eta martxoko ostegunetan, 19:00etan

Sarrerak, 3,5 €. Artium Museoaren Adiskideak, 2 €
25 urte azpikoak: sarrera doan (museoaren txartel-leihatilan)
Sarrerak non erosi: museoaren txartel-leihatilan eta webgunean  

Euskadiko Filmategiak, Donostia International Physics Centerrek eta Donostia Zinemaldiak antolatzen duten zikloaren seigarren edizioak, kultura zinematografikoa eta kultura zientifikoa transmititzeko helburu irmoarekin jarraituko du. Proiekzioak, aurkezpenak eta solasaldiak ziklo honen DNA dira, zinemaren eta zientziaren defentsa arrazoitu eta sendoaren bidez mamitzen dena, eta izen handiko emakume eta gizon
zientzialarien presentzia nabarmenarekin. 

 

Programa osoa jaitsi (pdf)

 

Programa 

Urtarrilak 12, osteguna
El nombre de la rosa (Jean-Jacques Annaud, 1986). JBGA. 131 min

XIV. mendea da. Monje frantziskotar bat eta bere ikastuna abade-etxe batera joango dira, mutil gazte baten heriotza misteriotsua ikertzera eta argitzera. Beren egonaldian, hilketa bat izan dela susmatuko dute. Beldurrak abade-etxe osoa hartuko du hildako gehiago agertu ahala, eta monjeak egia aurkitzen saiatuko dira.

Aurkezlea: Ricardo Díez Muiño

 

Urtarrilak 26, osteguna
Cuando el destino nos alcance (Richard Fleischer, 1973). JBGA. 97 min

2022. urtea da, eta New York pilaketa- eta kutsadura-egoera jasanezinean dago. Janaria-eskasiak eraginda, Soylent eta beste enpresa handi batzuk elikagai sintetikoak ekoizten hasiko dira herritarren eskaerari erantzuteko. Orduan, New Yorkeko eliteko kide bat hilko dute, eta Frank Thorn polizia kasua ikertzera bidaliko dute.

Aurkezlea: Marta Olazabal

 

Otsailak 2, osteguna
La herencia del viento (Stanley Kramer, 1960). JBGA. 127 min

1920ko hamarkadan, Tennesseeko irakasle bat epaituko dute Butler Legea urratzeagatik, ikastetxe publikoetako irakasleei kreazionismoaren ordez eboluzioa irakastea debekatzen zien legea. Nazioko abokatu nagusietako bi aurrez aurre jarriko dira, publikoaren eta komunikabideen arreta izugarri erakarri dituen epaiketan.

Aurkezlea:Montse Hervella

 

Otsailak 9, osteguna
Madame Curie (Mervyn LeRoy, 1943). JBGA. 124 min

Marie fisika-ikaslea Sorbonan ikasten ari da, 1890eko Parisen. Bere gaitasunen inguruko eszeptizismoari aurre eginez, azkenean plaza bat lortuko du ikertzaile gisa, Pierre Curieren laborategian. Biak bilaketa partekatu batean murgilduko dira, eta elementu kimiko berri bat aterako dute arroka mota jakin batetik: erradioa.

Aurkezlea: Nerea Zabala

 

Otsailak 16, osteguna
¿Teléfono rojo? Volamos hacia Moscú (Stanley Kubrick, 1967). JBGA. 93 min

Pertsona desegokiak botoi desegokia sakatuz gero gerta litekeenari buruzko filma. Jack Ripper AEBko Aire Armadako jenerala erabat zoratuko da, eta SESB suntsitzera bidaliko ditu bere bonbardaketa-hegazkinak: ziur dago komunistak azpijokoan dabiltzala, estatubatuarren “gorputz-fluido preziatuak” kutsatzeko.

Aurkezlea: María Blanco

 

Otsailak 23, osteguna
Fire of Love (Sara Dosa, 2022). JBEA. 93 min

Katiak eta Maurice Krafftek bi gauza maite zituzten: sumendiak eta batak bestea. Bolkanologo frantses bikote honek bi hamarkada igaro zituen sumendi aktiboak aztertzen eta dokumentatzen. Inoiz ikusi ez diren sumendi-erupzioen barruko irudiekin, maitasun-istorio intimo bat planteatzen da, Lurraren eta lurreko fenomenoen handitasunean.

Aurkezlea: Juana Vegas

 

Martxoak 2, osteguna
Philadelphia (Jonathan Demme, 1993). JBGA. 125 min

Andrew Beckett abokatua kaleratu egingo dute bere nagusiek HIESa duela jakiten dutenean. Andrew bere enpresaren aurka salaketa bat jartzeko prest dagoen norbait bilatzen hasiko da, bidegabe kaleratu dutelako. Joe Millerrek kasua onartuko du,
bere aurreiritziei aurre eginez eta berak jasan duen diskriminazioan oinarrituz.

Aurkezlea: Julio Arrizabalaga Aguirreazaldegui & Carmen Garde Orbaiz

 

Otsailak 9, osteguna
Drácula de Bram Stoker (Francis F. Coppola, 1992). JBGA. 130 min

1890ean, abokatu gazte bat Transilvaniako gaztelu galdu batera joango da, eta Drakula kondea ezagutuko du. Abokatu gazteak emakume baten argazkia erakutsiko dio eta, guztiz liluratuta, kondeak Londresera bidaiatuko du emakume hori ezagutzeko asmoz. Londresera iristean, emakumea konkistatzen eta liluratzen saiatuko da.

Aurkezlea: José Ramón Alonso

 

Otsailak 16, osteguna
Una mente maravillosa (Ron Howard, 2001). JBGA. 135 min

John Forbes Nash Jr. jaunak denetik bizitu du: fama gorena eta hondamena. Matematikari handi honek sekulako aurkikuntza egin zuen bere karreraren hasieran, eta nazioarteko aintzatespena lortu zuen. Baina Nash dotore eta harroa norbere buruaren aurkikuntza-bidaia mingarri eta lazgarrian batean murgilduko da laster.

Aurkezlea: José Antonio Lozano

 

Otsailak 23, osteguna
Marrazoa (Steven Spielberg, 1975). JBEA. 124 min

Marrazo zuri erraldoi batek Estatu Batuetako kostaldeko herrixka bat mehatxatuko du. Bainua hartzen ari den neska gazte bati eraso egin eta hura hil ondoren, gizon talde bat marrazoa harrapatzeko prest agertuko da. Poliziaburu bat, ozeanografo bat eta eskarmentu handiko marrazo-ehiztari bat elkartuko dira komunitatea izutzen ari diren erasoei amaiera emateko.

Aurkezlea: Juan Ignacio Pérez Iglesias

 

Antolatzailea: Euskadiko Filmategia

Ondokoen laguntzarekin: Euskal Herriko Arte Garaikidearen Museoa-Artium Museoa, Bilboko Arte Ederren Museoa eta Tabakalera, Kultura Garaikidearen Nazioarteko Zentroa

Publicado en Jarduerak

Arte Garaikidearen hastapenak II 

Euskal arte garaikidearen praktikak eta errealitateak ikastaroak Euskal Herriko praktika artistikoei buruzko errealitateen ikuspegi ahalik eta osoena eta osatuena eman nahi du. Artium Museoaren bilduma abiapuntutzat hartuta, hizlariek gai hauek jorratuko dituzte, besteak beste: Euskal Herriko abstrakzioaren sorkuntza, XX. mendeko 50-60ko hamarkadetako artisten inplikazio politikoa, politika kultural eta kontrakulturalak eta haien garrantzia praktika artistikoetan, eta emakumeek testuinguru horretan duten presentzia.

Ikastaroaren zuzendaria Miren Vadillo da, Artearen Historian doktorea eta Euskal Herriko Unibertsitateko Letren Fakultateko irakaslea.

 

Programa osoa jaitsi (pdf)

 

1. saioa - otsailaren 7a
Miren Vadillo. Ikastaroa eta edukien aurkezpen saioa

2. saioa - otsailaren 14a
Ane Lekuona. Mari Paz Jiménez eta abstrakzioaren euskal artean

3. saioa - otsailaren 21a
Enara Iratzagorria. Maria Dapena. Literaturaren eta plastikaren arteko gurutzaketak. Emakume artista baten espetxeko bizitaren ikuspegi bat

4. saioa - martxoaren 1ean
Mikel Onandia. Artea, transmisioa eta hezkuntza Euskal Herrian 40 urtetan. Esperimentaziotik erakundera

5. saioa - martxoaren 7a
Eneko Besa. Gasteizko Koroatzearen eliza. Miguel Fisacen proiektuaren metodoa

6. saioa - martxoaren 14a
Fernando Golvano. 70-80 urteak euska testuinguruan. Trantsizioak, hausturak eta jabetzearen larrialdiak

7. saioa - martxoaren 21a
Maite Luengo. Gorputz femeninoen kanona eta diskurtso sortzaile berriak

8. saioa - martxoaren 28a
Beatriz Herráez, Sergio Rubira eta Thomas Boutoux. Museoko Bildumako funtsen berrantolaketa berriaren muntaketa bisita, komisario taldeak lagunduta

 

2023ko otsailaren 7tik martxoaren 28ra. Asteartero, 18:00-20:00 (martxoaren 1a izan ezik, asteazkenean izango dela)

Artium Museoaren adiskideak eta Artearen Historia eta Arte Ederretako ikasleak: doan. Gainontzeko ikasleak: 25 €. Prezio orokorra: 60 €

Izena emateko epea zabalik dago www.artium.eus webgunean eta museoko leihatilan bertan

 

Publicado en Jarduerak
3. orrialdea (guztira 3)

This site uses cookies and similar technologies.

If you not change browser settings, you agree to it. Learn more

I understand